आकाशासारखं अफाट असं
बापाचं छत्र डोक्यावर असतं,
आकाशातील असंख्य चांदण्याप्रमाणे
आईचं प्रेम पाठीशी असतं,
प्रत्येक सुख दुःखाच्या क्षणी
मायेचं माणूस जवळ असतं,
आपल्या मुलांनी काहीतरी
बनण्याचं त्याचं एक स्वप्न असतं,
आणि म्हणून प्रत्येक मुलाच्या ठिकाणी
ते साध्य करण्याचं ध्येय असतं,
शेवटी काहीही झाले तरी
आई-वडिलांच्या ठिकाणीच
परमेश्वराचं रूप असतं
©विजय अहिरे "आबा"
No comments:
Post a Comment